Այսօր կներկայացնեմ 5 Ազգային ավանդական խաղեր։ 7 ՔԱՐ՝ ազգային ավնդական խաղ, որը փոխանցվել է մեզ։ Խաղի համար անհրաժեշտ է գնդակ, յոթ տափակ քար և ազատ տարածություն: Խաղում են երկու թմով՝ իրար դեմ։ Նախ՝ գծում են շրջան, որի մեջ շարում են 7 քարերը իրար վրա։ Վիճակահանությամբ ընտրված առաջին թիմի խաղացողները հեռավից հերթով գնդակով խփում են քարերին։ Երբ քարերի բուրգը քանդվում է, խաղացողը գցում է քարերը և վազում գնդակի հետևից։ Հետո գնդակը հայտնվում է երկրորդ թիմի մոտ։ Եվ այդպես շարունակն մինչև թմերից մեկը հաղթում է։

ՊԱՀՄՏՈՑԻ՝ ազգային ավանդական խաղ։ Խաղացողներից մեկը պետք է աչքերը փակի որևէ մի տեղ հիմնականում պատի մոտ, ապա սկսի հաշվել մինչև ընկերների որոշած թիվը։ Փակողը հաշվելը ավարտելուց հետո պետք է սկսի փնտրել թաքնված մասնակիցներին, իսկ այդ ընթացքում թաքնվող խաղացողները պետք է հարմար պահ գտնեն և վազելով մոտենան այն տեղը, որտեղ փակողը փակել էր աչքերը, հետո ասեն որոշակի պայմանավորված արտահայտություն, (Մենք հիմանկանում ասում ենք, ԱԶԱՏՈՒՄ ԵՄ ԲՈԼՈՐԻՆ ԿԱՐՄԻՐ ԱՍՏՂԸ ԳԱԳԱԹԻՆ) բայց կարող է փակողը ավելի արագ տեղ հասնել և նույն արտահայտությունը կատարել։ Եվ այդպես մինչև վերջին մասնակիցը։ Հաջորդ փակողը դառնում է առաջին գտնված խաղացողը։

ԿԼԱՍ՝՝ խաղում են ասֆալտին կամ այլ հարթ տարածքում կավիճով գծած քառակուսիների վրա: Խաղի համար մասնակիցները պետք է ունենան փոքր հարմար քար: Քառակուսի վանդակների մեջ հերթականությամբ գրվում են 1-10 թվերը, մասնակիցները հերթականությամբ քարը գցում են թվերի վրա այնպես, որ այն ընկնի վանդակի մեջ, բայց գծերին չդիպչի: Այնուհետեւ մասնակիցը մեկ ոտքի վրա ցատկելով պետք է հերթականությամբ անցնի բոլոր վանդակներով՝ շրջանցելով այն վանդակը, որտեղ քարն է: Քարը պետք է վերցնի հետ դառնալիս: Այն մասնակիցը, որը չի կարողանում քարը նետել վանդակի մեջ, ցատկելու ժամանակ տրորում է գիծը, կանգնում է քարով վանդակի վրա կամ մոռանում է այն վերցնել, «կտրվում» է խաղից և շարունակում է խաղալ նույն թվից: Հաղթող է դառնում այն մասնակիցը, որը կարողանում է առաջինն անցնել 1-10-ը ճանապարհը եւ իր համար «տուն» է վերցնում: «Տուն վերցնելու» համար մասնակիցը կանգնում է մեջքով եւ քարը շպրտում դեպի վանդակները: Որ թվի վրա հայտնվում է քարը, այն դառնում է նրա տունը եւ խաղի ընթացքում կարող է երկու ոտքով կանգնել այդտեղ և հանգստանալ, իսկ մյուս մասնակիցները խաղի ընթացքում պետք է շրջանցեին նրա «տունը»: Այս խաղը մասնակիցների հստակ թիվ չի պահանջում, այն կարելի է խաղալ անգամ մենակ:

ԲՌՆՈՑԻ՝ սիրված ավանդական խաղ է, որտեղ «բռնողը» փորձում է դիպչել մյուս խաղացողներին, որպեսզի նրանք էլ դառնան «բռնող»: Խաղացողները վազում և թաքնվում են, երբեմն հասնելով անվտանգության գոտուն, որպեսզի խուսափեն բռնվելուց։ Խաղը շարունակվում է, մինչև բոլոր խաղացողները բռնվեն կամ հաղթող հռչակվի ամենաարագը։

ՀԵՅ ՎԵՐևԻ ԽՄԲԵՐ, ՀԵՅ ՆԵՐՔևԻ ԽՄԲԵՐ՝ երկու խմբեր՝ վերևի և ներքևի, խաղի սկզբում կանգնում են տարբեր կողմերում։ Վերևի խումբը գոռում է՝ «Հեյ վերևի խմբեր», իսկ ներքևի խումբը պատասխանում է՝ «Հեյ ներքևի խմբեր»։ Վերևի խումբը փորձում է անցնել ներքևի խմբի տարածքով առանց բռնվելու, իսկ ներքևի խումբը փորձում է բռնել նրանց։ Բռնվածները դառնում են ներքևի խումբ, և խաղը շարունակվում է, մինչև բոլորն անցնեն երկու դերերով։